ADVERTISEMENT
२०८१ असार २९ गते शनिवारका दिन शंखरापुर नगरपालिका वडा नं. ३, जहरसिं पौवामा वृक्षारोपण कार्यक्रम सफलतापूर्वक सम्पन्न भयो। उक्त कार्यक्रमको प्रमुख अतिथि विद्यादेवी भण्डारी रहनुभएको थियो।
जहरसिं पौवा सामुदायिक वन उपभोक्ता समुह र मदन भण्डारी फाउन्डेसन, शंखरापुर को संयुक आयोजनामा उक्त कार्यक्रम आयोजना भएको हो ! कार्यक्रमको उद्देश्य वातावरण संरक्षणलाई प्रवर्द्धन गर्ने र रूखहरूको महत्त्वबारे जनचेतना फैलाउने थियो। कार्यक्रममा स्थानीय बासिन्दा, सरकारी कर्मचारी, र वातावरणीय कार्यकर्ताहरूको उत्साहजनक सहभागिता थियो।
आफ्नो सम्बोधनका क्रममा विद्यादेवी भण्डारीले जलवायु परिवर्तनसँग लड्न र समुदायको समग्र स्वास्थ्य सुधार गर्न रूखहरूको महत्वपूर्ण भूमिकाबारे जोड दिनुभयो। उहाँले यसप्रकारका कार्यक्रमहरूमा सक्रिय सहभागिता जनाउन सबैलाई प्रोत्साहित गर्नुभयो।
कार्यक्रम विभिन्न स्थानीय प्रजातिका बिरुवाहरूको रोपाइँसँगै सम्पन्न भयो। सहभागीहरूले नवरोपिएका बिरुवाहरूको रक्षा र स्याहार गर्ने प्रतिबद्धता व्यक्त गरे।
फोटोहरु:
Leave A Comment