काठमाडौँमा पेट्रोल हाहाकार, भोलिबाट झन् ठप्प !

Design

काठमाडौँ । काठमाडौँमा पेट्रोल हाहाकार भएको छ । अधिकांश पेट्रोल पम्पमा पेट्रोल छैन भन्ने जानकारी राखिएको छ भने भएकामा पनि निकै भीड देखिएको छ ।

पेट्रोल हाहाकार भएपछि रातारात आर्मी र पुलिसले संचालन गरेका पेट्रोल पम्पमा गएर पेट्रोल हाल्नेहरु बढेका छन् । यो समाचार तयार गर्दासम्म आर्मीको पेट्रोल पम्पले भने पेट्रोल दिईरहेको छ । बाँकी धेरै पेट्रोल पम्पहरुले पेट्रोल नभएको बताईरहेका छन् । भोलिदेखि आर्मी र पुलिसको पेट्रोल पम्पलाई पनि पेट्रोल ढुवानी गर्न नदिने अडानमा ढुवानीकर्ताहरु छन् ।

विभिन्न माग राखी पेट्रोल ढुवानी गर्नेहरुले डिपोहरुलाई पेट्रोल नदिएर आन्दोलनमा उत्रिएपछि यस्तो हाहाकार भएको पेट्रोल पम्प संचालकहरुले जनाएका छन् ।

पेट्रोल ढुवानीमा हुने चुहावट रोक्न, कम पेट्रोल ढुवानी भएको केसमा आयल निगमले पैसा काट्ने गरेको छ । यहि विषयमा ढुवानीकर्ताहरुले आन्दोलन गरेको व्यवसायीहरुले जनाएका छन् ।

Design

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।