जहरसिं पौवामा सर्बेश्वर मन्दिर निर्माणार्थ संचालित श्रीमदभागवत सप्ताह विधिवत रुपमा सम्पन्न

शंखरापुर नगरपालिकाको पर्यटकीय स्थल जहरसिं पौवामा सर्वेश्वर मन्दिर निर्माणार्थ आयोजित श्रीमदभागवत सप्ताह महायज्ञ विधिवत रुपमा सम्पन्न भएको छ । फागुन २१ देखि संचालित यस सप्ताह मंगलबार महायज्ञ गरि विधिवत रुपमा सम्पन्न भएको हो ।

यस महाज्ञान सप्ताह समापन समारोहलाई सम्बोधन गर्दै यस नगरपालिकाका उप-प्रमुख समिता श्रेष्ठले यस सर्वेश्वर मन्दिर निर्माणार्थ शंखरापुर नगरपालिका पनि सकारात्मक रहेको कुरा पनि बताउनुभयो ।

उक्त समापन कार्यक्रममा प्रकाश मानव सेवा आश्रमका प्रमुख श्री प्रकाश भुजेल ज्युको पनि उपस्थिति रहेको थियो । उहाँले यस मन्दिर निर्माणार्थ रु २,६०,०००/- नगद दान साथै मन्दिरमा रु.२,५०,०००/- बराबरको ठुलो त्रिशुल प्रतिस्थापन गर्ने प्रतिवद्दता गर्नुभएको छ ।

देश तथा बिदेशमा ख्याती प्राप्त वचन प्रविन पण्डित दिन्बन्दु पोखरेलको मुख्य वाचन र पण्डित सुरेन्द्र प्याकुरेलको उपवाचनमा यस सप्ताह सफल रुपमा सम्पान भएको हो । यस सप्ताहमा बिभिन्न ब्यतित्वहरु द्वारा सहयोग संकलन भएको छ । स्थानीय तथा आगन्तुक ३०० बढी भक्तजनहरुले यस मन्दिर निर्माणार्थ दाङ गर्नुभएको छ ।